Hvernig hin íslenska lopapeysa varð til.

Eins og sumir vita var Louisa Matthíasdóttir listmálari tengdamóðir mín. En fjölskyldusaga gengur út á að hún hafi prjónað fyrstu lopapeysuna með munstrinu sem síðan varð þessi fræga íslenska lopapeysa sem allir þekkja.

 Hún byggt munstrið á grænlensku "anúrökkunum". Konan mín, dóttir hennar, líka listmálari fór svo lengra með þetta í sínum prjónaskap, prjónaði hesta, jafnvel kýr og kindur allt um kring í staðinn fyrir grænlenska munstrið á peysum sem hún prjónaði.

Temma konan mín, heklaði líka heilu teppin úr lopa. Eitt þeirra komst í hendurnar á Jackie Kennedy Onnasis sem var víst yfir sig hrifin segir sagan. Sel það ekki dýrara en ég heyrði á sínum tíma.

Fæstir á Íslandi vita að Louisa eða Úlla í fjölskyldunni, hannaði sín eigin föt og saumaði, mikið af þeim til. Við hjónin oft rætt að það eigi að setja upp sýningu með fötunum og tengja þau sjálfsmyndum sem hún málaði í þessum fötum. Einn daginn verður það að raunveruleika.

 En þessi skrif um annað. Núna 18. júní verður víst tískusýning hér í Bandaríkjunum sem kallast "Runway Project" ef ég heyrði rétt. Henni verður sjónvarpað á rás sem kallast Bravó, meira veit ég ekki.

Þegar ég var á Manhattan um daginn sá ég auglýsingar um þessa sýningu á öllum strætisvögnum. Ekki að ég taki eftir auglýsingum um tískusýningar, bara að dæturnar bentu mér á þær.

 Og hér er svo aðalfréttin, mér skilst að þessi sýning muni byggja á málverki eftir Louisu, sjálfmynd þar sem hún er í lopapeysu sem hún hannaði og prjónaði sjálf. Ekki að sú peysa sé á neinn hátt eins og venjuleg lopapeysa, meira eins og málverkin hennar. Svo ef þið biðjið fallega og hneigið ykkur, gæti meira en verið að ég setji inn mynd af þessu málverki.

 Nú verðum við bara að vona að ég hafi ekki sagt meira en ég má, á það víst til samkvæmt einhverjum að tala um hluti sem ég á ekki að vera að tala um. En svona er þetta, inn um eyrað og út um munninn eða fingurna í þessu tilfelli.

 Lifið heil. Ingimundur Kjarval.

 

 

Íslenska sauðkindin í tísku

Athugasemdir

[Matthildur Jóhannsdóttir, 8.6.2009 kl. 20:42]

Ég hef séð peysur frá Chile sem eru alveg eins og íslenska lopapeysan. 

Eitthver sagði mér síðar, að það hefði verið konan hans Halldórs Laxness sem hefð náð sér í munstirð á ferð í Chile.  En ekki ætla ég að selja þessa sögu dírt.

Kveðja M

[Sjóveikur, 8.6.2009 kl. 21:52]

hið svokallaða íslenska munstur er til um alla suður Ameríku og víðar ef maður nennir að lesa, þeir eru orðnir æði margir "listamenn/konur" sem verið er að smyrja uppruna einhvers á  kanski Leifur lukkulegi og hans fólk hafi flutt þetta inn  en að Laxnes og hans fólk hafi fundið eitthvað upp er ég efins um  það er eins og fyrirsögnin "lag og texti Ási í Bæ" eða að Halli og Laddi séu allt með frumsamið efni

Lista manna kveðjur